პროექტი: აივ-თან დაკავშირებული სარისკო და უსაფრთხო ქცევები მამაკაცებს შორის, რომელთაც სქესობრივი კონტაქტი აქვთ მამაკაცებთან და ამავე პოპულაციის ზომის შეფასება

სექტემბერი 19, 2018

2018, აივ ინფექცია და გადამდები დაავადებები, ჯანდაცვის სისტემების კვლევა, ახალი ამბები, პროექტი, ევროპა და ევრაზია

ზოგადი სურათი

აივ-ინფექციის გავრცელების თვალსაზრით საქართველო კონცენტრირებული ეპიდემიის მქონე ქვეყნებს მიეკუთვნება. მოზრდილ მოსახლეობაში აივ ინფექციის

გავრცელება დაბალია და სავარაუდო მაჩვენებელი 0.5%–ს შეადგენს. ინფექციის გადაცემის მთავარი გზა 2016 წელს გამოვლენილ შემთხვევათა შორის ჰეტეროსექსუალური კონტაქტი იყო და 51.5% შეადგინა. ხოლო ჰომოსექსუალური კონტაქტების გზით გადაცემის წილი მზარდია და 2016 წლის მონაცემებით 16.8% დაფიქსირდა.

მამაკაცები, რომლებსაც სქესობრივი კავშირი აქვთ მამაკაცებთან (მსმ) აივ ინფექციის მაღალი რისკის შემცველი ჯგუფია და სარისკო ქცევაზე ზედამხედველობის და ინფექციის გავრცელების ტენდენციის შესწავლის მიზნით ქცევაზე ზედამხედველობის კვლევები 2007 წლიდან ხორციელდება. ამგვარი კვლევა უკანასკნელად კურაციომ 2015 წელს ჩაატარა, რომლის შედეგადაც თბილისსა და ბათუმში აივ ინფექციის გავრცელების მაღალი მაჩვენებელი დაფიქსირდა – 25.1% და 22.3%. ტენდენციის დაკვირვების მიზნით, ზედამხედველობის კვლევა 2018 წელს განმეორებით ტარდება. დაგეგმილია უახლესი შედეგების შესაბამისად განახლდეს მიმდინარე პროგრამები. ამ მიმართულებით სიტუაციის გლობალურ სურათში საქართველოს მდგომარეობის წარმოსადგენად სწორედ კურაციოს კვლევევას ეყრდნობა საერთაშორისო ირგანიზაციები, როგორიცაა გლობალური ფონდი და UNAIDS.

გეოგრაფიული მოცვა

საქართველოს 3 ქალაქი (თბილისი, ქუთაისი, ბათუმი)

პროექტის ვადები

კვლევა 2018 წლის ივლისში დაიწყო და 2019 წლის მარტში დასრულდება.

დონორები და პარტნიორები

კვლევას ახორციელებს საერთაშორისო ფონდი კურაციო საინფორმაციო სამედიცინო-ფსიქოლოგიური ცენტრ თანადგომასთან პარტნიორობით. პროექტი დაფინანსებულია დაავადებათა კონტროლის და საზოგადოებრივი ჯანმრთელობის ერონული ცენტრის მიერ, აივ-ინფექციის/შიდსის, ტუბერკულოზისა და მალარიის წინააღმდეგ ბრძოლის გლობალური ფონდის გრანტის ფარგლებში.

პროექტის მიზანი და ამოცანები

მიმდინარე პროექტი მიზნად ისახავს ქვეყანაში მსმ პოპულაციის სავარაუდო რაოდენობაზე, აივ–თან მიმართებაში მათ ქცევით თავისებურებებსა და აივ–ის, C ჰეპატიტისა და სგგი გავრცელებაზე სარწმუნო ინფორმაციის გენერირებას. კვლევის შედეგები
გამოყენებული იქნება აივ/ შიდსის ეროვნული პასუხის შესაფასებლად და ადეკვატური ეროვნული პროგრამის დასაგეგმად.

პროექტის ამოცანები:

მსმ-ებში ქცევაზე ზედამხედველობის კვლევის ჩატარება ბიომარკერის კომპონენტით საქართველოს სამ ქალაქში: თბილისში, ბათუმსა და ქუთაისში;
ბიომარკერული ტესტირება აივ ინფექციაზე, C ჰეპატიტსა და სგგი-ზე (სიფილისი, ქლამიდია, გონორეა);
საქართველოს 3 ქალაქში (თბილისი, ქუთაისი, ბათუმი) მსმ-ების პოპულაციის სავარაუდო ზომის შეფასება და ამმონაცემების საფუძველზე მსმ-ების სავარაუდო ზომისგაანგარიშება მთელი ქვეყნის მასშტაბით.